Met singerige toon

Sommige mense kry dit reg om te klink asof hulle neurie terwyl hulle praat. Luister mooi, daar is nogal heelwat van hulle. Party neurie nie altyd nie, maar sal soms, sonder om jou vooraf te waarsku, begin sing terwyl hulle praat.

Die laaste keer waartydens ek my in so ‘n situasie bevind het, was in die hopitaal se waakeenheid.

Ek word om 04:13 die oggend geskakel op my selfoon. Die tannie is nou op haar einde. Ek trek my jean sommer bo-oor my Tasmanian Devil slaapbroekie aan, pluk ‘n trui oor my kop en slinger tussen slaap en wakker deur tot by die motor.

Die hospitaalpersoneel lyk soos ek voel. Ek kom by die tannie. Sy IS op haar einde, weggesak in ‘n diep koma. Maar nou is dit nie net haar dogter wat by is soos gisteroggend nie, daar is nou ‘n man by. Op hierdie oomblik probeer ek nie familie uitpluis nie, maar ek luister mooi na hom ook.

Hulle wag dat die dominee iets doen.

So ek lees ‘n stukkie uit die Bybel en bid saam met hulle. Uiteindelik kom die “Amen.” En ek bly dan doodstil vir ‘n rukkie. Ek kan niks verander nie, maar om nou oor die Stormers te praat, gaan ook nie werk nie. En om te sit en preek is stupid. So ek is heel gemaklik om net bietjie in stilte by hulle te sit. Dit is immers duidelik dat die tannie op haar laaste is, en ek gaan nie Halleluja-liedere sing terwyl ons afskeid neem nie.

Maar nie almal is ewe gemaklik met stiltes nie.

Die vreemde man lyk meteens verbouereerd. Ek sien hy wil iets doen. Ek kyk. Hy tree rukkerig vorentoe en vryf oor die tannie se gesig, min of meer soos ek laas met my Labrador gedoen het. Dan, sonder enige vooraf waarskuwing…

…vra hy vir die tannie in die koma, in ‘n perfekte neurende stem: “Voel jy beter? Hmmm? Voel jy nou beter?”

Ek het die wysie gaan transkribeer. Dit is in 4-tyd.

About fredddels

Ek dink alles kan geld as teks. Dis jou bril en jou eetlus wat bepaal wat jy raaklees.

Posted on April 12, 2008, in Uncategorized. Bookmark the permalink. 17 Kommentaar.

  1. wat ek nie kan verstaan nie, is hoekom jy enigsins nodig het om daar te wees? plies xplain.

  2. Hulle wou nie alleen wees nie.

  3. Wat ‘n juweel van ‘n inskrywing. Hy het dit gese nie vir die tannie nie, maar vir homself om beter te voel.

    Mense vrees om alleen te wees in tye van nood, soek troos. En mense vrees stilte.

  4. en so word jy meer en meer special! Jy weet mos!

    ((hugz))

  5. Hierdie stukkie het ek met ‘n glimlag gelees! Rosie is reg, mense vrees stilte en wil nie alleen wees in tye van nood!

  6. Dankie vir julle reaksies! Die roudiens was natuurlik episode nr 2, maar ek tob nog of dit ok is om dit ook te vertel🙂

  7. mmmm! As jy eers wonder moet ons hoor! Wag in spanning!

  8. ja ag pleez daddy…tell us ’bout the funeral….

  9. jy’t ‘n oor vir ironie – cool inskrywing! het al voorheen vir jou gesE jy kan ‘n kern goed raakvat, hier’s dit weer. in watter toonsoort het hy geneurie?

  10. Idiwidi, dit was in B mineur.

    Amanda, dalk net.

  11. Ek kan nie wag vir episode 2 nie.

  12. O aarde, hoe hou ‘n mens jou gesig uitdrukkingloos in so ‘n situasie? Vreksnaaks.

  13. Ek wou nog vra, ja, wat het hy op die begrafnis gesing…

  14. Ek het nou aan iets slims probeer dink om te se, maar ek kan nie. Nou bly ek maar stil soos jy gedoen het. Miskien begin iemand iets neurie…

  15. Waar’s jy my vriend???: MIS JOU!!!

  16. Wonder wat hy sou doen as die tannie terug geneurie het…

  17. {giggel} oor die terugneurie. Dit was ‘n baie mooi vertelling. (al lees ek dit nou eers 4 maande later!). Ek sou nie cope in daai situasie nie. Ek kan sien jy is gemaklik met mense.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: